Liverpooli fitoi me rezultat 3-1 ndaj Southamptonit dhe kështu vazhdoi primatin në Ligën Premier.

Tani që ndeshja kë përfunduar tifozët kanë filluar të merren me detajet që mund t’iu kenë ikur në kohë reale.

Një nga ato është momenti kur Mohamed Salah shënoi golin e dytë për Reds, i cili ishte i epërsisë. Festa e egjiptianit është bërë hit në rrjetet sociale, edhe pse 26-vjeçari e bëri pa paramendim.

Andy Robertson dhe Jordan Henderson kërkuan përqafimin me Salah, por përfunduan në krahët e njëri-tjetrit (Foto: Mike Hewitt/Getty Images/Guliver)

Pas golit ish-ylli i Romës filloi festën dhe atij menjëherë iu bashkëngjitën Jordan Henderson dhe Andy Robertson, por pas një lëvizje dinake nga Salah, dyshja përfunduan në krahët e njëri-tjetrit.

E gjitha kjo iu është dukur tifozëve si diçka qesharake dhe menjëherë filluan ta shpërndajnë, por edhe mediat e mëdha sportive.

Liverpooli ka dy pikë më shumë Manchester City në kampionat, ndërsa në xhiron e ardhshme luan ndaj Chelseat. /Telegrafi/